Hver er desemberuppbótin fyrir árið 2011?
Samningur SA og SGS...
-
Almenni samningur, iðnverkafólk og þjónustusamningur.
Starfsmenn sem hafa verið í fullu starfi allt árið í sama fyrirtæki og eru við störf í fyrirtækinu í síðustu viku í nóvember eða í fyrstu viku desember skulu eigi síðar en 15.desember ár hvert fá greidda sérstaka eingreiðslu, desemberuppbót.
Starfsfólk í hlutastarfi sem uppfyllir sömu skilyrði skal fá greitt hlutfallslega. Uppgjörstímabilið er almanaksárið, en fullt ársstarf telst í þessu sambandi 45 unnar vikur eða meira, fyrir utan orlof. Starfsfólk með skemmri starfstíma skal fá greitt hlutfallslega miðað við starfstíma sinn.
Á árinu 2011 er uppbótin 48.800- en samið var sérstaklega um 15.000 kr álag á uppbótina.
Desemberuppbót er föst tala og tekur ekki launabreytingum skv. öðrum ákvæðum.
Á árinu 2011 greiðist því alls í desemberuppbót 63.800-
Samningur SGS við ríkissjóð...
- Starfsfólk hjá ríkinu
Starfsmaður sem er við störf í fyrstu viku nóvembermánaðar skal fá greidda desemberuppbót 1.desember ár hvert miðað við fullt starf tímabilið 1.janúar til 31.október. Desemberuppbót er föst tala og tekur ekki launabreytingum skv. öðrum ákvæðum kjarasamningsins. Á desemberuppbót reiknast ekki orlofsfé.
Hafi starfsmaður gegnt hlutastarfi eða unnið hluta úr ári, skal hann fá greitt miðað við starfshlutfall á framangreindu tímabili.
Á sama hátt skal einnig starfsmaður sem látið hefur af starfi en starfað hefur samfellt í a.m.k 3 mánuði(13 vikur) á árinu, fá greidda desemberuppbót miðað við starfstíma og starfshlutfall.
Á árinu 2011 er uppbótin 48.800- en samið var sérstaklega um 15.000 kr álag á uppbótina.
Sama gildir þótt starfsmaður sé frá störfum vegna veikinda eftir að greiðsluskyldu stofnunnar lýkur eða í allt að 6 mánuði vegna fæðingarorlofs.
| Desemberuppbót í flatarmældri ræstingu ákvarðast af fermetrafjölda sem greiddur er tímabilið 1.janúar - 31.október þannig að 833,33 fermetrar á mánuði teljast fullt starf og færri fermetrar reiknast hlutfallslega.
|
Á árinu 2011 greiðist því alls í desemberuppbót 63.800-
Samningur SGS og LN...
- Starfsfólk hjá sveitarfélögum.
Starfsfólk í fullu starfi fær greidda desemberuppbót (persónuuppbót) 1.desember ár hvert. Með fullu starfi er átt við 100% starf tímabilið 1.janúar til 30.nóvember sama ár. Hafi starfsmaður gegnt hlutastarfi eða starfað hluta úr ári, skal hann fá greitt miðað við starfshlutfall og/eða starfstíma, þó þannig að hann hafi starfað samfellt a.m.k. frá 1.september það ár.
Starfsmaður sem lætur af störfum á árinu, en hafði þá starfað samfellt í a.m.k. 6 mánuði skal einnig fá greidda desemberuppbót miðað við starfstíma og starfshlutfall á árinu. Hlutfall skv. þessari málsgrein er reiknað sem hlutfall af flullri vinnu (100%) í 12 mánuði á almanaksárinu af síðast gildandi desemberuppbót.
Framangreind desemberuppbót er með inniföldu orlofi og greiðist sjálfstætt og án tengsla við laun.
Á árinu 2011 er uppbótin 75.500-
