Þann 1.júní 2010 hækkuðu laun um 2,5%. Hafi laun hækkað meira vegna sérstakrar hækkunar kauptaxta (6.500 kr) gildir sú hækkun.

Lágmarkstekjur fyrir fullt starf, skulu vera sem hér segir fyrir starfsmann 18.ára og eldri og hafa starfað í 4 mánuði hjá sama fyrirtæki kr 165,000. Mánaðarlega skal greiða uppbót á laun viðkomandi starfsmanna sem ekki ná framangreindum tekjum, en til launa í þessu sambandi teljast allar greiðslur, þ.m.t. hverskonar bónus-, álags- og aukagreiðslur, sem falla til innan ofangreinds vinnutíma. Laun fyrir vinnu umfram 173,33 stundir á mánuði og endurgjald á útlögðum kostnaði reiknast ekki með í þessu sambandi.

www.landsmennt.is, www.sveitamennt.is   

Stjórnir Landsmenntar og Sveitamenntar hafa ákveðið að taka upp eftirfarandi viðbót við reglur sjóðanna um afgreiðslu einstaklingsstyrkja:

Starfstengd réttindanám: Félagsmenn sem ekki hafa nýtt sér rétt sinn síðustu þrjú ár eiga rétt á styrk allt að kr 132.000- fyrir eitt samfellt námskeið/nám samkvæmt nánari reglum sjóðsins. Reglan tekur gildi f.o.m. 1.júlí 2010 og gildir gagnvart námi/námskeiðum sem hefjast eftir þann tíma.